काठमाडौँ, १५ चैत । नेकपा एमालेले अध्यक्ष केपी शर्मा ओलीको रिहाइको माग गर्दै देशभरका ७७ वटै जिल्ला प्रशासन कार्यालयमा ज्ञापनपत्र बुझाएको छ ।
गौरीबहादुर कार्की आयोगले दोषी ठहर गरेपछि प्रहरीले ओलीलाई निवासबाट पक्राउ गरेसँगै एमाले सचिवालय बैठकले विरोधस्वरूप देशव्यापी रूपमा ज्ञापनपत्र बुझाउने निर्णय गरेको थियो ।
सोहीअनुसार जिल्ला कमिटीहरूले प्रशासन कार्यालयमा ज्ञापनपत्र बुझाएका हुन् । धनुषा र महोत्तरीमा भने एमालेले नाराजुलुस समेत गरेको थियो ।
