जनकपुर, १५ चैत । धनुषाको बटेश्वर गाउँपालिका-५ शान्तिपुर -दनुवारटोल)मा ९ वर्षीया बालिकामाथि बलात्कार गरेको आरोपमा ५३ वर्षीय स्थानीय ओपेन्द्र सिंह दनुवार पक्राउ परेका छन् ।
घटना गत बिहीबार भएको बताइएको छ । पीडित पक्षले शनिबार इलाका प्रहरी कार्यालय सखुवा महेन्द्रनगरमा जाहेरी दिएपछि प्रहरीले तत्काल दनुवारलाई नियन्त्रणमा लिएको हो ।
जिल्ला प्रहरी कार्यालय धनुषाका अनुसार पक्राउ परेका आरोपितको स्वास्थ्य परीक्षण गराइएको छ र घटनाबारे थप अनुसन्धान अघि बढाइएको छ ।
बालिकाको अवस्था र घटनाको थप विवरणबारे प्रहरीले औपचारिक जानकारी सार्वजनिक गरिसकेको छैन । प्रहरीले यस्ता घटनामा कडाइका साथ अनुसन्धान गरिने र दोषीलाई कानुनी कारबाहीको दायरामा ल्याइने जनाएको छ ।
