काठमाडौं, १५ चैत । सिन्धुपाल्चोक केन्द्रबिन्दु भएर गएराति ११ः३५ बजे ४.५ म्याग्निच्युडको भूकम्प गएको छ ।
नुल्थालाखर्क आसपास केन्द्रबिन्दु रहेको उक्त भूकम्पको धक्का काठमाडौँ उपत्यका लगायत आसपासका जिल्लामा पनि महसुस गरिएको थियो ।
राष्ट्रिय भूकम्प मापन तथा अनुसन्धान केन्द्रका अनुसार हालसम्म कुनै मानवीय वा भौतिक क्षतिको विवरण प्राप्त भएको छैन ।
रातिको समय भएकाले धेरैले भूकम्प महसुस नगरेको हुन सक्ने जनाइएको छ ।
