काठमाडौं, १४ चैत । नेकपा एमालेले अध्यक्ष तथा पूर्वप्रधानमन्त्री केपी शर्मा ओलीको पक्राउलाई राजनीतिक प्रतिशोध भन्दै त्यसविरुद्ध कानुनी लडाइँ लड्ने घोषणा गरेको छ ।
एमाले सचिव महेश बस्नेतले कुनै स्पष्ट कानुनी आधारबिना पक्राउ गरिएको दाबी गर्दै पार्टीभित्र थप छलफल गर्ने बताएका छन् ।
जेनजी आन्दोलनसम्बन्धी जाँचबुझ आयोगको सिफारिसका आधारमा शनिबार भक्तपुरको गुण्डुबाट ओली पक्राउ परेका हुन् ।
पक्राउअघि उनले वरिष्ठ कानुनविद् रमेश बडाल र टिकाराम भट्टराईसँग परामर्श गर्दै यसलाई प्रतिशोधपूर्ण कदम बताएका थिए । कानुनविद्हरूले ओलीको पक्षमा सर्वोच्च अदालतमा मुद्दा दायर गर्ने तयारी गरिरहेका छन् ।
