काठमाडौँ, ८ चैत । राष्ट्रिय तथ्याङ्क कार्यालयले निजी स्वास्थ्य संस्थाहरूको आर्थिक योगदान मापन गर्न देशभर सर्वेक्षण गर्ने तयारी गरेको छ ।
वैशाखदेखि असार मसान्तसम्म सञ्चालन हुने सर्वेक्षणमार्फत निजी अस्पतालहरूको कुल गार्हस्थ उत्पादनमा योगदान, रोजगारी र आर्थिक अवस्था सम्बन्धी तथ्याङ्क सङ्कलन गरिनेछ ।
निर्देशक तीर्थराज बरालका अनुसार यसपटक २,५५१ अस्पतालमा सर्वेक्षण गरिनेछ, जुन सन् २०१३ मा गरिएको १०० अस्पतालको सर्वेक्षणभन्दा धेरै ठूलो दायरा हो ।
