काठमाडौं, ७ फागुन । निर्वाचन आयोगका कार्यवाहक प्रमुख निर्वाचन आयुक्त रामप्रसाद भण्डारीले आगामी फागुन २१ गते हुने प्रतिनिधिसभा निर्वाचनमा अहिलेसम्मकै सबैभन्दा बढी मतदान हुने र बदर मतको संख्या न्यून हुने अपेक्षा व्यक्त गरेका छन् ।
काठमाडौँमा १०औँ निर्वाचन दिवसका अवसरमा आयोजित कार्यक्रममा उनले मतदाता शिक्षा कार्यक्रमका कारण बदर मत उल्लेखनीय रूपमा घट्ने बताए। अधिकांश मत सदर हुने आयोगको अनुमान छ ।
मतदानमैत्री वातावरण बनाउन राजनीतिक दल, उम्मेदवार र कार्यकर्ताहरू जिम्मेवार हुनुपर्नेमा उनले जोड दिए । वातावरण अनुकूल नबने मतदाता मतदान प्रक्रियाबाट विमुख हुन सक्ने चेतावनी पनि उनले दिए ।
