जनकपुर, १६ माघ । नेपाली कांग्रेसका पूर्वउपसभापति विमलेन्द्र निधिले देशलाई राजनीतिक संकटबाट निकाल्न कांग्रेसका उम्मेदवारलाई निर्वाचित गराउन आग्रह गरेका छन् ।
धनुषा–३ बाट चुनावी अभियान सुरु गर्दै उनले वर्तमान सरकार नागरिकप्रति जवाफदेही नभएको र संविधान तथा लोकतन्त्र जोगाउन कांग्रेस आवश्यक रहेको बताए ।
विकास, रोजगारी र जनकपुरको पूर्वाधार तथा शैक्षिक क्षेत्रमा आफूले योगदान दिएको उल्लेख गर्दै आगामी दिनमा पनि निरन्तरता दिने प्रतिबद्धता व्यक्त गरे ।
