काठमाडौं, १३ माघ । राष्ट्रिय गौरवको आयोजना काठमाडौं–तराई मधेश द्रुतमार्गको करिब ४५ प्रतिशत निर्माण कार्य सम्पन्न भएको छ ।
प्रधानमन्त्री सुशीला कार्कीले आयोजनाको निरीक्षण गर्दै स्थानीय सरोकार, धार्मिक विश्वास र सांस्कृतिक सम्पदालाई असर नपर्ने गरी काम अघि बढाउन निर्देशन दिएकी छन् ।
आयोजना अन्तर्गत ७०.९७७ किमी लामो सडकमा ८७ भन्दा बढी पुल र ७ वटा सुरुङ निर्माण हुँदैछन् । केही अग्ला पुल निर्माण अन्तिम चरणमा पुगेको सेनाले जनाएको छ ।
नेपाली सेनाले द्रुतमार्ग २०८३ चैत मसान्तभित्र तोकिएको लागत २ खर्ब १३ अर्बभित्रै सम्पन्न हुने विश्वास व्यक्त गरेको छ ।
