काठमाडौं, ७ माघ । राष्ट्रिय स्वतन्त्र पार्टी (रास्वपा) का सभापति रवि लामिछानेले चुनावी प्रचारमा संयमित रहन पार्टीका नेता–कार्यकर्तालाई निर्देशन दिएका छन् ।
चितवनमा सञ्चारकर्मीहरूसँग कुरा गर्दै उनले निर्वाचन आचारसंहिता पूर्ण रूपमा पालना गर्न, स्वस्थ प्रतिस्पर्धामा उत्रिन र भड्काउने तथा उत्तेजक गतिविधि नगर्न आग्रह गरे ।
लामिछानेले चुनावी नतिजा जे आए पनि स्वीकार्नुपर्ने भन्दै असन्तुष्टि र आक्रोशलाई मतमार्फत व्यक्त गर्न सबैलाई आग्रह गरे ।
