विराटनगर, ६ माघ । नेपाली कांग्रेसका नेता डा. शेखर कोइरालाले २१ फागुनमा हुने प्रतिनिधिसभा सदस्य निर्वाचनका लागि मोरङ निर्वाचन क्षेत्र नम्बर ६ बाट उम्मेदवारी मनोनयन दर्ता गराएका छन् ।
उनले मंगलबार निर्वाचन अधिकृतको कार्यालय पुगेर औपचारिक रूपमा मनोनयन दर्ता गराएका हुन् । कोइराला कांग्रेसका प्रभावशाली नेता तथा पूर्व सांसदसमेत हुन्।
मोरङ–६ लाई कांग्रेसको महत्वपूर्ण निर्वाचन क्षेत्रका रूपमा लिइन्छ । उम्मेदवारी दर्तापछि कोइरालाले लोकतान्त्रिक मूल्य, सुशासन र जनताको अधिकारका लागि चुनावी प्रतिस्पर्धामा उत्रिएको बताएका छन् ।
मोरङ–६ मा विभिन्न दलका उम्मेदवारबीच कडा प्रतिस्पर्धा हुने अपेक्षा गरिएको छ । फागुन २१ गते हुने निर्वाचनका लागि उम्मेदवारी दर्तासँगै यहाँको चुनावी गतिविधि तीव्र बन्दै गएको छ ।
