केपि रिपोर्टर,जे.के
जनकपुर, ४ माघ । धनुषा जिल्ला प्रहरी कार्यालयका प्रहरी उपरीक्षक (एसपी) रुगम बहादुर कुवरले जिल्लाको सिमावर्ती क्षेत्रमा रहेका विभिन्न प्रहरी चौकीहरूको निरीक्षण गरेका छन् ।
आसन्न निर्वाचनलाई मध्यनजर गर्दै सुरक्षा व्यवस्थाको अवस्था, चुनौती र तयारीबारे स्थलगत अनुगमन गरिएको हो । एसपी कुवरले हनुमाननगर, बोहर्बा, क्ष¥टहर्वा, औरहीलगायत सिमावर्ती क्षेत्रका प्रहरी चौकीहरूमा पुगेर त्यहाँ खटिएका सुरक्षाकर्मीहरूसँग छलफल गर्दै निर्वाचन लक्षित सुरक्षा रणनीतिबारे जानकारी लिएका थिए ।
निरीक्षणका क्रममा चौकीमा उपलब्ध स्रोतसाधन, जनशक्ति व्यवस्थापन, गस्ती प्रणाली तथा आवश्यक थप तयारीबारे समेत विवरण संकलन गरिएको जनाइएको छ ।
त्यसैगरी, विभिन्न ब्यारेकहरूको अवस्था, आवासीय सुविधा, भौतिक संरचना र व्यवस्थापनसम्बन्धी जानकारी लिँदै आवश्यक निर्देशनसमेत दिइएको प्रहरीले जनाएको छ ।
सिमावर्ती क्षेत्रमा शान्ति–सुरक्षा मजबुत बनाउन नियमित निरीक्षण र निगरानीलाई अझ प्रभावकारी बनाइने एसपी कुवरले बताएका छन् ।
