काठमाडौँ, २ माघ। नेपाली कांग्रेसका सभापति गगनकुमार थापाले पार्टीभित्र विधि, विधान र पद्धति स्थापित भइसकेको बताउँदै सबै नेता–कार्यकर्तालाई एकताबद्ध भएर अघि बढ्न अपिल गरेका छन्।
प्रेस विज्ञप्तिमार्फत उनले विशेष महाधिवेशन विवादरहित रहेको र निर्वाचन आयोगको निर्णय संविधान, कानुन तथा पार्टी विधानअनुसार भएको स्पष्ट पारेका छन्।
थापाले कांग्रेस अब व्यक्तिको चाहनाले होइन, आम सदस्यको चाहनाले चल्ने दाबी गर्दै पार्टी मूल मूल्य, मान्यता र आदर्शमा फर्किएको बताएका छन्।
विशेष महाधिवेशनलाई जित–हारका रूपमा नलिन आग्रह गर्दै उनले नवीन ऊर्जा, एकता र सुधारको यात्रासहित कांग्रेस रूपान्तरणको दिशामा अघि बढिसकेको उल्लेख गरेका छन्।
आगामी निर्वाचनमा आत्मविश्वासका साथ एकढिक्का भएर अघि बढ्नुपर्ने उनको भनाइ छ।
