काठमाडौं, १ माघ । प्रधानमन्त्री सुशीला कार्कीले वर्तमान विशिष्ट परिस्थितिमा संयमित र एकताबद्ध भएर अगाडि बढ्न सबैलाई आग्रह गरेकी छिन् ।
माघी पर्वका अवसरमा थारु कल्याणकारिणी सभाद्वारा टुँडीखेलमा आयोजित माघी महोत्सवलाई सम्बोधन गर्दै उनले मौलिक चाडपर्वले आपसी सम्मान, सद्भाव र राष्ट्रिय एकता मजबुत बनाउने बताइन् ।
उनले सांस्कृतिक पर्वको मर्म आत्मसात् गर्दै समाजमा शान्ति, सहअस्तित्व र राष्ट्रिय एकता कायम गर्न सरकार, समुदाय र नागरिक सबैको सक्रिय भूमिका आवश्यक रहेकोमा जोड दिइन् ।
प्रधानमन्त्री कार्कीले थारु समुदायको भाषा, संस्कृति र पहिचानको संरक्षण तथा प्रवद्र्धनमा सरकार प्रतिबद्ध रहेको उल्लेख गर्दै समान अधिकार र सुविधामा सरकार सजग रहेको स्पष्ट पारिन् ।
