जनकपुर, ४ पुस । मधेश प्रदेशका मुख्यमन्त्री कृष्णप्रसाद यादवले आज अपराह्न ४ बजे प्रदेशसभामा विश्वासको मत लिँदैछन् ।
विश्वासको मतका लागि प्रदेशसभा बैठक बोलाइएको छ र सांसदहरूलाई सूचना दिइसकिएको प्रदेशसभा सचिवालयले जनाएको छ ।
कांग्रेस संसदीय दलका नेता यादव सात दलका ७७ सांसदको समर्थनमा मंसिर १९ गते मुख्यमन्त्री नियुक्त भएका थिए ।
कानुनअनुसार ३० दिनभित्र विश्वासको मत लिनुपर्ने प्रावधानअनुसार उनले १५ दिनमै मत लिन लागेका हुन् ।
