काठमाडौं, १५ मंसिर । जसपा नेपालका अध्यक्ष उपेन्द्र यादवले कांग्रेस र कम्युनिस्ट शक्ति मिलेर मुलुकलाई ३५ वर्षमा ध्वस्त पारेको आरोप लगाएका छन् ।
समाजवादी युवा संघ नेपालको केन्द्रीय समिति बैठकमा बोल्दै उनले शिक्षा, स्वास्थ्य र रोजगारी क्षेत्र सबैमा राज्यले अपेक्षित उपलब्धि हासिल गर्न नसकिएको दाबी गरे ।
यादवका अनुसार मुलुकमा भ्रष्टाचार, अराजकता र कमिशनतन्त्र मौलाउँदै गएको छ, जसकै कारण युवाहरू विद्रोहमा उत्रिएका हुन् ।
उनले पुराना राजनीतिक शक्तिहरूबाट अब देशले समाधान पाउन नसक्ने तर्क राख्दै नयाँ विकल्प आवश्यक रहेको संकेत गरे ।
