काठमाडौं, १२ मंसिर । उज्यालो नेपाल पार्टीले आगामी मंसिर १७ गते विशेष घोषणा सभा आयोजना गर्ने भएको छ।
पार्टी नेता महेन्द्र लावतीका अनुसार कार्यक्रम काठमाडौंको प्रज्ञा भवनमा हुने छ । लावतीका भनाइअनुसार, उक्त कार्यक्रममा ऊर्जा मन्त्री कुलमान घिसिङ स्वयं प्रमुख अतिथिका रूपमा सहभागी हुनेछन्।
उनले भने, “कुलमानजीको उपस्थितिमा घोषणा सभा हुनेछ। एकता र सहकार्य गर्ने अन्य राजनीतिक शक्तिहरू पनि यस कार्यक्रममा जोडिँदै छन् ।
अहिलेसम्म उज्यालो नेपाल पार्टी र खगेन्द्र सुनार नेतृत्वको हाम्रो पार्टी नेपालले आगामी प्रतिनिधिसभा निर्वाचनमा एउटै चुनाव चिन्ह प्रयोग गर्ने निर्णय गरिसकेका छन् ।
अन्य दल तथा समूहसँग पनि सहकार्य र एकताबारे छलफल जारी रहेको तथा घोषणा सभामा कस–कसको उपस्थिति रहने भन्ने विषय अन्तिम चरणको समन्वयमा रहेको लावतीले बताए ।
21कार्यक्रममा उज्यालो नेपाल पार्टीको दीर्घकालीन दृष्टि, मूल ध्येय तथा विस्तृत घोषणापत्र–२०८२ औपचारिक रूपमा सार्वजनिक गरिने पनि जानकारी दिइएको छ ।
