काठमाडौं, १० मंसिर । चालु आर्थिक वर्ष २०८२÷८३ को पहिलो ४ महिनामा सरकारले १ खर्ब ३८ अर्ब ७५ करोड सार्वजनिक ऋण उठाएको छ ।
विनिमय दरको उतारचढावले ४४ अर्ब २२ करोड ऋण दायित्व थपिँदा कुल सार्वजनिक ऋण २७ खर्ब २९ अर्ब ४१ करोड पुगेको छ, जुन जीडीपीको ४४.६९% हो ।
यस अवधिमा सरकारले १ खर्ब २७ अर्ब ६१ करोड ऋण भुक्तानी गरेको छ, जसअन्तर्गत कुल साँवा–ब्याज भुक्तानी १ खर्ब ५० अर्ब ८८ करोड भयो—लिएको ऋणभन्दा बढी । हाल आन्तरिक ऋण १२ खर्ब ७५ अर्ब ९६ करोड बाह्य ऋण १४ खर्ब ५३ अर्ब ४५ करोड छ ।
चार महिनामा वार्षिक सार्वजनिक ऋण लक्ष्यको २३.२९% मात्र परिचालन भएको छ । विशेषज्ञ तथा आयोगहरूले बढ्दो ऋण दायित्व र कम प्रतिफलप्रति चिन्ता जनाउँदै ऋणलाई उत्पादनशील, पूँजी निर्माण हुने क्षेत्रमा मात्र परिचालन गर्न सरकारलाई सुझाएका छन् ।
