काठमाडौं, ८ मंसिर । नेपालका लागि नेपाली पार्टीले निर्वाचन आयोगलाई प्रस्तावित आचारसंहिता सुधार गर्न सुझाव दिँदै उम्मेदवारले दैनिक चुनाव खर्च अनिवार्य रूपमा अनलाइन सार्वजनिक गर्ने व्यवस्था गर्न आग्रह गरेको छ ।
खर्च पारदर्शी बनाउन डिजिटल ट्रान्जेक्सन बाध्यतामूलक बनाउने, दातृ विवरण पारदर्शी पोर्टलमार्फत खुलाउने, र सरकारी स्रोत–साधन दुरुपयोग भएमा तुरुन्त कारबाही गर्ने प्रावधान राख्नुपर्ने पनि सुझाव दिएको छ ।
साथै, बजेट खर्च रोक्का अवधि स्पष्ट गर्न र प्रदेश–स्थानीय तहका प्रमुख–उपप्रमुख पनि उस्तै नियममा बस्नुपर्ने बताइएको छ । 
