काठमाडौँ, ४ मंसिर । सर्वोच्च अदालतले मेडिकल व्यवसायी दुर्गा प्रसाईंलाई २४ घण्टाभित्र उपस्थिति गराउन आदेश दिएको छ ।
प्रसाईंका छोरा निराजनले दिएको बन्दीप्रत्यक्षीकरणको रिटमा न्यायाधीश मेघराज पोखरेलको इजलासले कारण माग्दै प्रसाईंलाई उपस्थिति गराउन आदेश दिएको सर्वोच्च प्रशासनले जनाएको छ ।
प्रशासनले अनुमति नदिँदा पनि विरोध प्रदर्शनको धम्की दिएपछि सार्वजनिक शान्तिविरुद्धको कसुरमा प्रहरीले उनलाई पक्राउ गरेको थियो ।
प्रसाईंलाई कानुनविपरित थुनामा राखेको भनेर छोरा निराजनले बन्दीप्रत्यक्षीकरणको रिट हालेका थिए ।
