काठमाडौँ, १३ कात्तिक । जिल्ला अदालत काभ्रेपलाञ्चोकले अधिवक्तामाथि सामाजिक सञ्जालमा अपशब्द प्रयोग गरेको अभियोगमा पक्राउ परेका खगेन्द्र सुनारलाई ५० हजार रुपैयाँ धरौटीमा छोड्ने आदेश दिएको छ ।
न्यायाधीश नगेन्द्रकुमार कालाखेतीको इजलासले बिहीवार सुनुवाइ सम्पन्न गर्दै सुनारलाई धरौटीमा रिहा गर्न आदेश दिएको हो। अदालतको आदेशपछि आवश्यक प्रक्रिया पूरा गरी उनलाई सोही दिन साँझ रिहा गरिएको बताइएको छ ।
सुनारमाथि अधिवक्ता मनिषा गौतमविरुद्ध सामाजिक सञ्जाल फेसबुकमा अपमानजनक शब्द प्रयोग गर्दै स्टाटस लेखेको र सो विषयमा लाइभमा आएर समेत गालीगलौज गरेको आरोप छ। उक्त घटनापछि गौतमले अदालतमा उजुरी दिएकी थिइन् ।
अदालतले सो प्रकरणलाई ‘अदालतको अपहेलना’ अन्तर्गत अनुसन्धानका लागि अघि बढाएको थियो। सोही क्रममा बिहीवार बिहान सुनार अदालतमा उपस्थित भएका थिए । सुनार हाल राजनीतिक रूपमा पनि सक्रिय व्यक्ति हुन्।
पछिल्लो पटक मन्त्रिपरिषद् विस्तारको तयारीका क्रममा उनको नाम मन्त्रीका रूपमा सिफारिस भएको समाचार आएको थियो। तर, यही मुद्दा सार्वजनिक भएपछि अन्तिम समयमा उनको नाम सूचीबाट हटाइएको बताइएको छ ।
अदालतको आदेशपछि अब उनीमाथिको मुद्दा छानबिन जारी रहनेछ। सुनुवाइका आगामी मितिहरूमा आवश्यक उपस्थिति सुनिश्चित गर्न धरौटीमा रिहा गरिएको अदालत स्रोतले जनाएका
