काठमाडौ, ६ कार्तिक । यस वर्ष तिथिको घटबढका कारण तिहारको बिदा पाँच दिन पुगेको छ ।
लक्ष्मीपूजादेखि भाइटीकासम्म तीन दिन बिदा दिने परम्परा भए पनि गृह मन्त्रालयले कात्तिक ३ देखि ७ गतेसम्म बिदा घोषणा गरेको हो ।
लामो बिदाका कारण सरकारी कार्यालय सोमबारसम्म बन्द रहने र आइतबार (एक सातापछि) मात्र खुल्नेछ । तर त्यसपछिल्लो सोमबार मिथिलाञ्चलको छठ पर्व परेको हुँदा सरकारी काम फेरि रोकिनेछ ।
लामो बिदाले सेवाग्राहीलाई असुविधा र कार्यालयीन काममा असर पर्ने भन्दै आलोचना भएको छ ।
केही वर्षअघि तिथि फरक परेपछि थपिएको अतिरिक्त बिदा अहिले पनि निरन्तर दिइँदै आएको जनाइएको छ ।
