काठमाडौं, २९ भदौ । चुच्चेपाटीस्थित भाटभटेनी सुपरमार्केटमा ६ जनाको शव फेला परेका छन् ।
२३ भदौमा भएको जेनजी आन्दोलनको क्रममा प्रहरीले गोली चलाउँदा काठमाडौंसहित विभिन्न जिल्लामा २१ जनाको मृत्यु भएको थियो ।
त्यसको भोलिपल्ट २४ भदौमा देशभर तोडफोड र आगजनी भएका थिए । जिल्ला प्रहरी परिसर काठमाडौंका एसएसपी विश्व अधिकारीका अनुसार कंकालहरू जलेको अवस्थामा भेटिएका हुन् र अहिले चिन्न नसकिने अवस्थामा रहेका छन् ।
पहिचानका लागि डीएनए परीक्षण गर्न लागिएको प्रहरीले बताए । आन्दोलन सुरु भएदेखि हालसम्म मृत्यु हुनेको संख्या ५८ पुगेको प्रहरीले जनाएको छ ।
