काठमाडौं, १५ फागुन । रारा तालको किनारमा रहेको डाँफे होटलमा आगलागी हुँदा चारवटा भवन जलेर नष्ट भएको छ ।
होटलमा रहेको ग्यास सिलिन्डर विस्फोट हुँदा बुधबार राति भएको आगलागी जिल्ला प्रहरी कार्यालय मुगुले जानकारी दिए । आगलागीबाट काठैकाठको संरचनाले बनेका संरचना पूर्ण रूपमा नष्ट भएको छ ।
नेपाली सेना, कर्मचारी, नेपाल प्रहरी र सशस्त्र प्रहरी बलले विहिवार बिहान आगो नियन्त्रणमा लिएका थियो । जिल्ला प्रहरी कार्यालय मुगुका प्रमुख डीएसपी सरोज गिरी आफू पनि घटनास्थलतर्फ गइरहेको बताए । ‘आगो नियन्त्रणमा त आइसकेको छ ।
तर बाँकी के कति क्षति पुगेको छ भन्ने खुलिसकेको छैन । प्रहरी, सेना र सशस्त्र प्रहरीले होटलमा रहेका पाहुनालाई तत्काल उद्धार गरी नजिकै रहेका होटल,सेनाको ब्यारेक, निकुञ्ज कार्यालयमा सारिएको थियो ।
घटनाको थप विवरण आउन बाँकी रहेको जिल्ला प्रहरी कार्यालय मुगुले जानकारी दियो ।
