बिराटनगर, ९ फागुन । ताप्लेजुङको पाथीभरामा बिहीबार भएको झडपपछि यातायात व्यवसायीले बन्दको घोषणा गरेका छन् ।
ताप्लेजुङ पाथीभरा यातायात सेवा प्रालिले विज्ञप्ति जारी गर्दै फागुन ९ गते राति १२ बजेदेखि यातायात बन्द गर्न बताएका हुन् । विज्ञप्तिमा भनिएको छ, ‘फागुन ८ गते काफ्ले पाटीतर्फ स्वास्थ्यकर्मी लिएर जाने क्रममा केबलकार खारेजी पक्षले मे १ ज २५७९ नम्बरको गाडीमा क्षति पु¥याएको तथा चालक राजकुमार पौडेललाई समेत मरणासन्न हुने गरी कुटपिट गरेको घटनाप्रति सवारी चालक मजदुर संघ घोर भत्र्सना गर्दछ ।
नेपाल सरकारलाई २६० प्रतिशतसम्म भन्सार शुल्क बुझाई चर्को मूल्यमा बैंकबाट ऋण लिई किस्ता तिर्दै आत्मनिर्भर हुन रोजगारी गरिरहेको अवस्थामा जीवनयापनको आधारमै क्षति पु¥याएको काम भएको विज्ञप्तिमा उल्लेख छ ।
केबलकारको संरचना बनाएको ठाउँनजिकै रहेको सशस्त्रको क्याम्पतर्फ उक्त समूहका मानिसले ढुंगा हान्न थालेपछि झडप भएको ताप्लेजुङका सहायक प्रमुख जिल्ला अधिकारी सन्दिपा खड्काले बताइन् । उनका अनुसार झडपमा नेपाल प्रहरीका ६, सशस्त्र प्रहरी ६ जना र आन्दोलनकारीतर्फ एकजना घाइते भएका छन् ।
झडप भएपछि घाइतेको उद्धारका लागि पठाइएको गाडीमा समेत आन्दोलनकारीले ढुंगामुढा गरेका छन् । घाइते लिन पुगेको मे १ ज २५८९ नम्बरको गाडी क्षतिग्रस्त भएको सहायक प्रजिअ खड्काले जानकारी दिइन् ।
