जनकपुर, ८ फागुन । प्रेस मञ्च नेपालको राष्ट्रिय महाधिवेशन आगामी बैशाख ६ र ७ गते जनकपुरमा आयोजना हुने भएको छ ।
बिहिवार जनकपुरमा सम्पन्न प्रेस मञ्च नेपालको केन्द्रीय समितिको बैठकमा महासचिव अवधेश कुमार झाले उक्त जानकारी दिएका छन् ।
बैठकले महाधिवेशनको कार्यतालिका समेत सार्वजनिक गरेको छ । कार्यतालिका अनुसार, महाधिवेशनको लागि फागुन महिनाभित्र सदस्यता वितरण पूरा गर्ने, चैत्र १५ गतेसम्म जिल्ला अधिवेशन, चैत्र मसान्तसम्म प्रदेश अधिवेशन, र बैशाख ६ गते राष्ट्रिय महाधिवेशनको उद्घाटन सत्र सम्पन्न हुनेछन् ।
जनता समाजवादी पार्टी नेपालले भातृ तथा शुभेच्छुक संगठनहरुलाई राष्ट्रिय महाधिवेशन सम्पन्न गर्नको लागि परिपत्र जारी गरेपछि प्रेस मञ्च नेपालले उक्त महाधिवेशनको आयोजना गर्ने निर्णय गरेको छ ।
बैठकमा कार्यवाहक अध्यक्ष मनोज यादवको अध्यक्षतामा जसपा नेपालका कार्यकारिणी समिति सदस्य र बौद्धिक पेशाकर्मीका इन्चार्ज डा. सुरेन्द्र यादव, जसपा नेपालका प्रदेश अध्यक्ष बालकिशोर यादव, जसपा नेपालका केन्द्रिय प्रचार विभाग सदस्य तथा प्रेस मञ्च नेपालका संस्थापक आतिश मिश्र लगायतको विशेष उपस्थिति थियो ।
