काठमाडौं, २ फागुन । हेटौँडाबाट कुलेखानी–फाखेल–हुमाने हुँदै काठमाडौँ निस्कने सडक आज शुक्रवार देखि बन्द भएको छ ।
सडकको स्तरोन्नतिको लागि अर्को सूचना जारी नभएसम्म यो सडकबाट यातायात सञ्चालन बन्द गरिएको जिल्ला प्रहरी कार्यालय मकवानपुरले जनाएको छ । जिप्रका मकवानपुरका प्रहरी नायव उपरीक्षक श्यामु अर्यालले यो सडक हुँदै यात्रा गर्नेलाई वैकल्पिक सडकमार्ग प्रयोग गर्न आग्रह गरेको छ ।
यसअघि यो सडकको विकल्पको रुपमा रहेको हेटौँडा कुलेखानी सिस्नेरी फर्पिङ सडक पनि स्तरोन्नतीको लागि बन्द गरिएको थियो । कुलेखानी– सिस्नेरी, कान्तिलोकपथ, त्रिभुवन राजपथ र बीपी राजमार्गलाई यो सडकको विकल्पको रुपमा प्रयोग गर्न पनि प्रहरीले आग्रह गरेको छ ।
काठमाडौँबाट हेटौँडा निस्कने छोटो दुरीको यो सडक स्तरोन्नतीको लागि भन्दै पटक पटक बन्द गरिँदै आइएको छ ।
