कैलाली, २९ माघ । कञ्चनपुरको भीमदत्त नगरपालिका–१२ वडा कार्यालय नजिक मोटरसाइकल दुर्घटना हुँदा २ जनाको मृत्यु भएको छ ।
सडक छेउका डिभाइडरमा मोटरसाइकल ठोक्किएर दुर्घटना भएको जिल्ला प्रहरी कार्यालय कञ्चनपुरले जानकारी दिएको छ ।
प्रहरी निरीक्षक डम्मर भट्टका अनुसार दुर्घटनामा परी मृत्यु हुनेमा भीमदत्त नगरपालिका १३ बडैपुरका २१ वर्षीय गणेश विष्ट र भीमदत्त नगरपालिका १६ का २१ वर्षीय कैलास सिंह साउँद रहेको छ ।
प्रहरीका अनुसार साउदले मोटरसाइकल चलाइरहेका थिए भने विष्ट सवार थिए । सोमबार राति दोधारा चाँदनीबाट महेन्द्रनगर आउँदै गरेको सुपप्र ०१–०१२ प ९२४९ नम्बरको मोटरसाइकल दुर्घटना हुँदा गम्भीर भएका दुबै जनालाई उपचारको लागि महाकाली अस्पताल लगिएको थियो ।
उनीहरूलाई अस्पतालमै मृत घोषणा गरिएको प्रहरीले जनाएको छ ।
https://www.facebook.com/kpkhabar02/videos/1316664699573670
