काठमाडौै, २७ माघ । चितवनको सेती दोभानमा बस दुर्घटना हुँदा २३ जना घाइते भएका छन् ।
बाँकेको नेपालगञ्जबाट काठमाडौं जाँँदै गरेको लु.प्र.०३–००१ख ००७७ नम्बरको बस पुलबाट करिब २० मिटर तल खोल्साामा खसेको छ । बस बिहान ४ बजेर ४० मिनेटमा दुर्घटनामा परेको प्रहरीले जनाएको छ ।
इलाका प्रहरी कार्यालय मुग्लिनकी प्रमुख प्रहरी निरीक्षक निरला भण्डारीका अनुसार गाडीमा २८ जना थिए । २३ जनाको उद्धार गरी उपचारका लागि भरतपुर पठाएको छ भने बस अनियन्त्रित भएर दुर्घटनामा परेको हुनसक्ने प्रहरीको अनुमान छ ।
