जनकपुर, १४ माघ । धनुषा जिल्लाको धनुषाधाम नगरपालिकामा प्रमुख प्रशासकिय अधिकृतमा प्रशासकिय अधिकृत (आठौंतह)मा बढुवा संगै संजित प्रसाद दासलाई जिम्मेवारीमा खाटाईएको छ ।
संघीय मामिला तथा सामान्य प्रशासन मन्त्रालयको २०८१÷१०÷१३ मितिमा जारी गरिएको पत्रअनुसार दासलाई नै उक्त पदको जिम्मेवारि दिएको छ ।
संजित प्रसाद दासले यसअघि पनि प्रमुख प्रशासकिय अधिकृतको रूपमा काम गर्दै आएका थिए र प्रशासनिक कामकाजको सुचारु सञ्चालनमा उनी महत्वपूर्ण भूमिका निर्वाह गर्दै आएका छन् ।
उनका नेतृत्वमा नगरपालिका विवादमुक्त ढंगले अघि बढेको थियो र स्थानीय जनप्रतिनिधि, कर्मचारी वर्ग तथा आमजनतासँगको राम्रो समन्वय र कार्यशैलीका कारण उनी सबैको विश्वास जित्न सफल भएका छन् ।
अब मन्त्रालयको उक्त निर्णयपछि दासले पुनः नगरपालिकाको प्रशासनिक कामकाजमा आफ्नो नेतृत्वमा गर्नेछन्, जसबाट नगरपालिका अझ कुशल र प्रभावकारी ढंगले संचालन हुने विश्वास गरिएको छ ।
नेपाल सरकारको संघीय मामिला तथा सामान्य प्रशासन मन्त्रालयको यो निर्णयले यस नगरपालिका सँगै एक अनुभवी र सक्षम प्रशासक पाएको छ ।
