जनकपुरधाम, १२ माघ । मिटर ब्याज पीडित पुनः आन्दोलनमा उत्रिने भएका छन् ।
जनकपुरधाममा पत्रकार सम्मेलन गर्दै मिटर ब्याजविरुद्ध किसान मजदुर आन्दोलन नेपालले देशव्यापी रूपमा आर्थिक शोषणविरुद्ध जनजागरण अभियान सञ्चालन गर्ने जनाएको छ ।
सबै खाले उत्पीडित जनसमुदाय र जनवर्गका आन्दोलनको साझा अभियानको रूपमा सञ्चालन गरिने जनजागरण अभियानको घोषणा यही माघ १४ गते जनकपुरधाममा गरिने जनाएको हो । सहमतिहरूमा इमानदारता रहेन। यसकारण हामी आम पीडितहरूलाई सुसूचित गर्ने अभियानको घोषणा गर्दछौं,’ मिटर ब्याज विरुद्ध किसान मजदुर आन्दोलन नेपालका प्रवक्ता निर्ग नवीनले भने आफ्नो न्यायिक सङ्घर्षलाई सफल पार्न जस्तोसुकै सङ्घर्ष गर्ने, साहु महाजनबाट भएको शोषणको प्रतिकार गर्ने र राज्यलाई माग पुरा गराउन बाध्य पार्ने सशक्त सङ्घर्षको तयारीका स्वरुप उनीहरुले आर्थिक शोषणविरुद्ध जनजागरण अभियान सुरु गर्न लागेको जनाएको छ ।
पहिलो आयोगको असफलता आयोगको कमजोर कार्यादेशबाटै सुरु भएको र २०८० श्रावण १२ गते पीडितको पक्षमा भएका विभिन्न कानुनी प्रावधानहरूलाई उल्टाएर जारी गरिएको केही नेपाल ऐनको संशोधन पीडितको लागि पटकै हितकर नभएको उनीहरूको तर्क छ ।
यसैक्रममा २०८० फाल्गुन २८ गते भएको सहमति बमोजिम आयोगको कार्यादेशलाई सशक्त बनाएर नयाँ आयोग गठन गर्ने विषयलाई सरकारले समस्या समाधानको असल सुरुवातको रूपमा स्थापित गर्न नचाहेको उनीहरूको आरोप छ ।
