काठमाडौँ, ८ माघ । राजेन्द्र महतोको नेतृत्वमा रहेको राष्ट्रिय मुक्ति पार्टी नेपालले आज निर्वाचन आयोगबाट औपचारिक मान्यता प्राप्त गरेको छ ।
लामो संघर्षपछि पार्टीले आयोगमा पेस गरेको दर्ता निवेदन स्वीकृत भएसँगै पार्टीलाई आधिकारिक रुपमा दर्ता प्रमाणपत्र प्राप्त भएको हो ।
पार्टीका नेता केशव झाले जानकारी दिँदै भने, “हामीले राष्ट्रिय मुक्ति क्रान्ति अभियानको सुरुआत गरेका थियौँ, जसको परिणति आजको दर्तासम्म पु¥याइएको छ ।
राष्ट्रिय मुक्ति पार्टी नेपालले चुनाव चिन्हको रूपमा माछा माग गरेको थियो, तर निर्वाचन आयोगले ग्यास सिलिण्डर चुनाव चिन्ह प्रदान गरेको छ । यसैगरी, पार्टीको झण्डामा गाढा नीलो रंगको पृष्ठभूमिमा तीर र धनुषको चित्र रहेको छ ।
पार्टीका सिद्धान्तमा स्वदेशवाद, बहुलराष्ट्रवाद र सामुदायिक समाजवादलाई मार्गदर्शन गर्ने बताइएको छ । पार्टीका अध्यक्ष महतोले सबै पार्टी समर्थक र जनतासम्म सदस्यता अभियान फैलाउन र सक्रिय सहभागिता जनाउन आह्वान गरेका छन् ।
उनले भने, “हामी सबैको साझेदारी र संघर्षका आधारमा मात्रै राष्ट्रिय मुक्ति पार्टी नेपाललाई सफल बनाउन सकिन्छ । 
