सर्लाही, २१ पौस । । हरिवन नगरपालिकाका इँटा व्यवसायी हरिप्रसाद प्रसाईको हत्या भएको छ ।
प्रसाई पुस १५ गतेदेखि हराइरहेको सूचना पाउनासाथ प्रहरीले खोजतलास गर्दै जादा शनिवार बिहान ११ बजेको समयमा हरिवन नगरपालिका वडा नं. १० स्थित उखुबारीमा गाडिएको अवस्थामा प्रसाईको शव बरामद गरेको थियो ।
उनी पुस १५ गते बिहान बरहथवा नगरपालिका वडा नं. ९ मूर्तियाबाट इँटाको पैसा लिएर आउँछु भनेर घरबाट निस्किएका थिए । तर घर नफर्किएपछि सोही दिनबाट उनको खोजी कार्य भइरहेको थियो प्रसाई परिवारजनले भने ।
३९ वर्षीय प्रसाई हरिवन नगरपालिका वडा नं. १० इनारटोलका स्थायी बासिन्दा हुन् । प्रसाईको हत्यामा संलग्न हुनसक्ने आशंकामा एक स्थानीय युवकलाई नियन्त्रणमा लिएर थप अनुसन्धान अघि बढाएको सर्लाही प्रहरीले जनाएको छ ।
