काठमाडौं, २६ असार । प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ’प्रचण्ड’ले एमाले अध्यक्ष केपी शर्मा ओलीले छल गरेको बताएका छन् ।
बुधबार सिंहदरबारमा बसेको संसदीय दलको बैठकमा बिफ्रिङ गर्दै तीन घण्टा आफूसँग सकारात्मक कुरा गरे पनि कांग्रेससँग मिलेर छल गरेको बताए ।
ओलीजी र मबीच असार १७ गते तीन घण्टा कुराकानी हुँदा सकारात्मक ढंगले अगाडि बढ्ने, सरकारलाई पनि सहमतिमा अगाडि बढाउने समझदारी भएको थियो भने ओलीजीले कांग्रेससँग दस्तखत गरिसकेपछि पनि मसँग भेट गर्दै कांग्रेससँग सामान्य कुराकानी मात्रै भएको भन्नुभएको थियो,’ बैठकमा प्रचण्डको भनाइ उद्धृत गर्दै पाण्डेले भने, ।
माओवादीको बैठकले असार २८ गते प्रधानमन्त्री प्रचण्डले लिने विश्वासको मतको पक्षमा मतदान गर्न ह्विप जारी गरेको छ ।
