काठमाडौं, २६ भदौ। निजी क्षेत्रका प्रमुख प्रतिनिधिहरूले व्यवसायीप्रति सरकार र राजनीतिक नेतृत्वबाट मर्यादित भाषा प्रयोग गर्न आग्रह गरेका छन्।
नेपाल आर्थिक पत्रकार समाज (सेजन)को २८औँ वार्षिक साधारणसभाका अवसरमा शुक्रबार काठमाडौंमा आयोजित कार्यक्रममा नेपाल चेम्बर अफ कमर्सका अध्यक्ष कमलेश अग्रवालले अर्थमन्त्री डा. स्वर्णिम वाग्लेकै उपस्थितिमा व्यवसायीलाई दोषारोपण नगर्न सरकारसँग आग्रह गरे।
उनले कोभिड महामारीपछि अर्थतन्त्रमा देखिएको समस्या समाधानका लागि राज्यको सक्रिय पहल आवश्यक रहेको बताए।
नेपाल उद्योग परिसंघका अध्यक्ष वीरेन्द्रराज पाण्डेले पूँजीगत खर्च बढाउँदै कानुनी जटिलता हटाएर लगानीको वातावरण बनाउनुपर्नेमा जोड दिए।
नेपाल उद्योग वाणिज्य महासंघका अध्यक्ष अञ्जन श्रेष्ठले विगतदेखि नै निजी क्षेत्रलाई मात्र दोष दिने प्रवृत्ति रहेको भन्दै सरकारलाई त्यसो नगर्न आग्रह गरे। उनले बाढी प्रभावित क्षेत्रको पुनरुत्थानमा निजी क्षेत्रले सरकारसँग सहकार्य गर्ने बताए।
