काठमाडौ, २५ भदौँ । प्रधानमन्त्री दैवी प्रकोप उद्धार कोषमा हालसम्म १२ अर्ब ४३ करोड ३३ लाख १० हजार ४१ रुपैयाँ बराबरको रकम संकलन भएको छ ।
प्रधानमन्त्री तथा मन्त्रिपरिषद्को कार्यालयका अनुसार बिहीबार बिहान ९ बजेसम्म विभिन्न नौवटा बैंकमा रहेको नेपाली रुपैयाँतर्फको मौज्दात ९ अर्ब १४ करोड ३९ लाख ९८ हजार ५०३ रुपैयाँ रहेको छ ।
त्यसैगरी, कोषका दुई बैंक खातामा २ करोड १६ लाख ३७ हजार ६९१ अमेरिकी डलर जम्मा भएको कार्यालयले जनाएको छ । अमेरिकी डलरलाई नेपाली रुपैयाँमा रूपान्तरण गर्दा कोषमा रहेको कुल रकम १२ अर्ब ४३ करोड रुपैयाँभन्दा बढी पुगेको हो ।
कार्यालयका अनुसार भदौ २५ गते मात्रै कोषमा नेपाली रुपैयाँतर्फ १७ करोड २५ लाख ६९ हजार ६७५ रुपैयाँ र अमेरिकी डलरतर्फ २ लाख ७४ हजार ६२ डलर थप रकम संकलन भएको छ ।
