काठमाडौं, १६ भदौ । इन्डियन आयल कर्पोरेसनबाट पेट्रोलियम पदार्थको खरिद मूल्य बढेर आए पनि नेपाल आयल निगमले उपभोक्ताका लागि इन्धनको खुद्रा मूल्य यथावत् राख्ने निर्णय गरेको छ।
भोटेकोसी बाढीपछि उत्पन्न विषम परिस्थितिलाई ध्यानमा राख्दै निगम सञ्चालक समितिले यस्तो निर्णय गरेको हो। नयाँ खरिद मूल्यअनुसार पेट्रोल, डिजेल, मट्टितेल, हवाई इन्धन र एलपी ग्यासको मूल्य बढेर आएको थियो।
तर, निगमले भदौ १७ गते बिहान १२ः०१ बजेदेखि लागू हुने गरी पुरानै बिक्री मूल्य कायम राख्ने जनाएको छ। पोखरा र भैरहवामा अन्तर्राष्ट्रिय हवाई इन्धन ‘ब्रेकइभेन पोइन्ट’ मा बिक्री गरिनेछ।
मूल्य नबढाउँदा निगमलाई आगामी १५ दिनमा करिब १ अर्ब २४ करोड ५७ लाख रुपैयाँ घाटा हुने अनुमान गरिएको छ।
