जनकपुर, १५ भदौ । रसुवामा आएको बाढीले पुर्याएको धनजनको क्षतिप्रति दुःख व्यक्त गर्दै जनकपुरधामस्थित जनकी हेल्थ केयर एण्ड टिचिङ हस्पिटल प्रा. लि. ले प्रधानमन्त्री दैवी प्रकोप उद्धार कोषमा आर्थिक सहयोग गरेको छ।
अस्पतालमा कार्यरत सम्पूर्ण कर्मचारी र अस्पतालको तर्फबाट कोषमा रु. ५,५१,० /- अर्थात पाँच लाख एकाउन हजार रुपैयाँ बराबरको चेक हस्तान्तरण गरिएको हो।
अस्पतालका निर्देशक हरिश्चन्द्र यादवले हस्ताक्षर गरेको पत्रमा बाढीबाट घाइते भएकाहरूको शीघ्र स्वास्थ्य लाभको कामना गर्दै उक्त रकम विपद्को घडीमा सहयोग स्वरुप पठाइएको उल्लेख छ।
उक्त पत्र प्रधानमन्त्री दैवी प्रकोप उद्धार कोष, सिंहदरबार, काठमाडौंलाई सम्बोधन गरिएको छ भने बोधार्थ जिल्ला प्रशासन कार्यालय, धनुषा, जनकपुरधामलाई दिइएको छ।
रसुवामा केही दिनअघि आएको बाढी र पहिरोका कारण ठुलो जनधनको क्षति भएको थियो। विपद्पछि देशभरका विभिन्न संघसंस्था र अस्पतालहरू राहत संकलनमा जुटेका छन्।
