काठमाडौं, ११ भदौ । भोटेकोसी बाढीपछि जारी उद्धार तथा राहत अभियानमा निजी क्षेत्रबाट सरकारलाई ४६ करोड ५० हजार रुपैयाँभन्दा बढी सहयोग जुटेको छ।
अर्थ मन्त्रालयका अनुसार पछिल्लो ६ घण्टामै विभिन्न उद्योग, बैंक, वित्तीय संस्था तथा व्यावसायिक घरानाबाट २७ करोड ३३ लाख रुपैयाँभन्दा बढी रकम प्रधानमन्त्री दैवीप्रकोप उद्धार कोषमा जम्मा भएको छ।
सबैभन्दा ठूलो सहयोग गोर्खा ब्रुअरीले १० करोड रुपैयाँ दिएको छ। बीवाईडी–साइमेक्सले ७ करोड, इप्पानले ५ करोड ५ लाख ५० हजार तथा नेपाल बैंकले ३ करोड १ लाख रुपैयाँ सहयोग गरेका छन्।
कुमारी बैंक र राष्ट्रिय वाणिज्य बैंकले ३–३ करोड, निफ्राले २ करोड ५० लाख, एनआईसी एसिया बैंकले २ करोड २१ लाख र सानिमा बैंकले २ करोड २५ लाख रुपैयाँ सहयोग गर्ने घोषणा गरेका छन्।
त्यस्तै, रेडबुल उत्पादक सारस बेभरेजले २ करोड, गोल्छा ग्रुपले १ करोड ५० लाख, कालिका कन्स्ट्रक्सनले १ करोड १ लाख तथा एनसेल र आईएमई लाइफले १–१ करोड रुपैयाँ सहयोग गर्ने घोषणा गरेका छन्।
सरकारले बाढी प्रभावित क्षेत्रमा राहत, उद्धार र पुनर्स्थापनाका लागि प्राप्त सहयोग एकद्वार प्रणालीमार्फत परिचालन गरिरहेको जनाएको छ। प्रधानमन्त्री वालेन्द्र शाहले समेत देश–विदेशमा रहेका व्यक्ति तथा संस्थालाई राहत अभियानमा सहयोग गर्न अपिल गरेका छन्।
