एजेन्सी, २८ जेठ । ओमानको खाडीमा एक तेल ट्यांकरमाथि भएको अमेरिकी सैन्य आक्रमणमा तीन भारतीय नागरिकको मृत्यु भएका छन् ।
भारतका बन्दरगाह तथा जलमार्ग मन्त्री सर्बानन्द सोनोवालले बेपत्ता भनिएका तीनै भारतीय नाविकको शव फेला परेको जानकारी दिएका छन् । घटनापछि भारत सरकारले नयाँदिल्लीस्थित अमेरिकी दूतावासका कार्यवाहक प्रमुखलाई बोलाएर कडा आपत्ति जनाएको छ ।
अमेरिकी राजदूत विदेश भ्रमणमा रहेका कारण दूतावासका वरिष्ठ अधिकारीसँग विरोध दर्ता गरिएको हो । अमेरिकी सेनाले उक्त ट्यांकरले इरानबाट तेल ढुवानी गर्दै नाकाबन्दी उल्लंघन गरेको दाबी गर्दै जहाजको इन्जिनलाई लक्षित गरी कारबाही गरेको जनाएको छ ।
आक्रमणपछि चालकदलका सदस्यहरूको उद्धार गरिएको थियो । यस घटनाले खाडी क्षेत्रमा बढ्दो सैन्य तनाव, समुद्री सुरक्षाको अवस्था र विदेशी जलक्षेत्रमा कार्यरत भारतीय नागरिकको सुरक्षाबारे नयाँ चिन्ता थपिएको छ ।
