एजेन्सी । भारतका केन्द्रीय शिक्षा मन्त्री धर्मेन्द्र प्रधानको राजीनामा माग गर्दै नयाँ दिल्लीस्थित जन्तर–मन्तरमा प्रदर्शन गरिएको छ ।
प्रदर्शनमा विभिन्न समूह तथा युवाहरूको सहभागिता रहेको बताइएको छ । प्रदर्शनकारीहरूले शिक्षा मन्त्रालयको कार्यशैलीप्रति असन्तुष्टि जनाउँदै मन्त्री प्रधानविरुद्ध नाराबाजी गरेका थिए ।
यसैबीच, कक्रोच जनता पार्टी (सीजेपी)का संस्थापक अभिजीत दिपके पनि प्रदर्शनस्थलमा पुगेका छन् । उनले आन्दोलनरत पक्षका मागप्रति समर्थन जनाउँदै प्रदर्शनमा ऐक्यबद्धता व्यक्त गरेका हुन् ।
प्रदर्शनकारीहरूले मन्त्री प्रधानको कार्यकालमा युवाहरूको भविष्य प्रभावित भएको आरोप लगाउँदै उनको राजीनामा माग गरेका छन् । दिपकेले पनि युवाहरूका सरोकार र शिक्षा क्षेत्रका समस्याप्रति सरकार गम्भीर बन्नुपर्ने धारणा राख्दै आन्दोलनप्रति समर्थन जनाएको बताइएको छ ।
