काठमाडौं, २२ जेष्ठ । अर्थमन्त्री डा. स्वर्णिम वाग्लेले आगामी बजेट मध्यमवर्गको सुरक्षा र विस्तारमा केन्द्रित रहेको बताएका छन् ।
फिन इन्फोटेक मेलामा बोल्दै उनले विगत ३० वर्षदेखि गरिबी न्यूनीकरणका नाममा मुख्यतः नगद हस्तान्तरणमै सीमित नीति अपनाइएको उल्लेख गर्दै अब गरिबलाई मध्यमवर्गमा उकास्ने आर्थिक दृष्टिकोण आवश्यक रहेको बताए ।
बजेटप्रति भइरहेको विरोधलाई राजनीतिक रूपमा प्रेरित रहेको संकेत गर्दै उनले स्वास्थ्य क्षेत्र, निजी विद्यालय तथा बिजुलीमा लगाइएका करसम्बन्धी व्यवस्थाबारे फैलाइएका भ्रमप्रति आपत्ति जनाए ।
केही अतिरिक्त करभारले ठूलो असर नपर्ने भन्दै उनले बिजुलीको भ्याटलाई औपचारिक कर प्रणालीमा ल्याइएको स्पष्ट पारे ।
