काठमाडौं, २२ जेठ । सरकारले संसद्को अधिवेशन नभएको बेला जारी गरेका आठवटै अध्यादेशलाई संसद्बाट स्वीकृत गराउने प्रक्रिया अझै अघि बढाएको छैन ।
ती अध्यादेशहरू गत २८ वैशाखमा प्रतिनिधिसभा र राष्ट्रिय सभामा पेश भए पनि सरकारले अहिलेसम्म स्वीकृतिका लागि आवश्यक प्रस्ताव दर्ता गरेको छैन ।
संविधानअनुसार अध्यादेश दुवै सदनबाट स्वीकृत भएपछि ६० दिनभित्र प्रतिस्थापन विधेयक पारित गरी राष्ट्रपतिबाट प्रमाणीकरण गराउनुपर्छ ।
यदि निर्धारित समयभित्र प्रक्रिया पूरा नभए अध्यादेशमार्फत गरिएका नयाँ व्यवस्था तथा कानुन संशोधनका प्रावधान स्वतः निष्क्रिय हुनेछन् ।
