काठमाडौं, १९ जेठ । राष्ट्रिय स्वतन्त्र पार्टी (रास्वपा)का सभापति रवि लामिछानेले आज भारतका गृहमन्त्री अमित शाहसँग भेटवार्ता गर्ने भएका छन् ।
पाँचदिने भारत भ्रमणमा रहेका लामिछानेले द्विपक्षीय सम्बन्ध, लोकतान्त्रिक अभ्यास, सुरक्षा सहकार्य तथा नेपाल–भारतबीचका साझा हितका विषयमा छलफल गर्ने कार्यक्रम रहेको उनको सचिवालयले जनाए ।
भेटमा दुई देशका राजनीतिक दलहरूबीचको संवाद र सहकार्यलाई थप सुदृढ बनाउने विषयमा समेत विचार आदानप्रदान हुने अपेक्षा गरिएको छ ।
