एजेन्सी । फ्रान्सेली क्लब पीएसजीले यूईएफए च्याम्पियन्स लिगको उपाधि जितेपछि देशभर मनाइएको उत्सवका क्रममा समर्थक र प्रहरीबीच झडप हुँदा ४१६ जना पक्राउ परेका छन् ।
राजधानी पेरिससहित विभिन्न स्थानमा भएको अशान्तिका क्रममा सवारी साधन, व्यवसायिक प्रतिष्ठान र सार्वजनिक संरचनामा क्षति पुगेको प्रहरीले जनाए । भीड नियन्त्रणका लागि प्रहरीले अश्रुग्यास प्रयोग गरेको थियो भने केही प्रहरी अधिकारी घाइते भएका छन् ।
फ्रान्सको गृह मन्त्रालयका अनुसार पक्राउ परेकामध्ये २८० जना पेरिसको हो । झडपका क्रममा ६ वटा सवारी साधन, दुई व्यवसायिक प्रतिष्ठान र एक बस स्टपमा क्षति पुगेको छ । उपाधि विजेता पीएसजीका खेलाडीहरू आइतबार विजय ¥यालीमा सहभागी हुने तथा राष्ट्रपति इम्यानुयल म्याक्रोनद्वारा आयोजित स्वागत कार्यक्रममा उपस्थित हुने कार्यक्रम रहेको छ ।
