काठमाडौं, १६ जेष्ठ । आठौँ राष्ट्रिय महिला अधिकार दिवसको अवसरमा प्रधानमन्त्री बालेन्द्र शाहले महिला अधिकार, लैङ्गिक समानता र महिला सशक्तीकरणलाई व्यवहारमा उतार्न सरकार प्रतिबद्ध रहेको बताएका छन् ।
शुभकामना सन्देशमा उनले संविधानले महिलाको हकलाई मौलिक अधिकारका रूपमा सुनिश्चित गरेको उल्लेख गर्दै बालविवाह, बोक्सी प्रथा, छाउपडी, दाइजो तथा लैङ्गिक, घरेलु र डिजिटल हिंसा अन्त्यका लागि कानुनी व्यवस्थासँगै सामाजिक चेतना आवश्यक रहेको बताए ।
उनले महिला अधिकारको संरक्षण तथा प्रवद्र्धनमा राज्य, समुदाय र सरोकारवालाबीच सहकार्य अपरिहार्य रहेकोमा जोड दिए । यसैगरी महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षामन्त्री सीता बादीले संविधानले सुनिश्चित गरेका महिला अधिकारको प्रभावकारी कार्यान्वयनका लागि सबै पक्षको सक्रिय सहभागिता आवश्यक रहेको बताएकी छन् ।
यस वर्ष राष्ट्रिय महिला अधिकार दिवस æमहिला अधिकारको सम्मानः आत्मनिर्भरता र समृद्धिको अभियानÆ नाराका साथ मनाइँदैछ ।
