काठमाडौं, १६ जेष्ठ । पश्चिमी न्यून चापीय रेखा, स्थानीय वायु तथा नेपाल नजिक सक्रिय न्यून चापीय रेखाको प्रभावका कारण देशका अधिकांश क्षेत्रमा बदली भएको छ ।
मौसम पूर्वानुमान महाशाखाका अनुसार कोशी, मधेस, बागमती र गण्डकी प्रदेशमा पूर्ण बदली रहेको छ भने केही स्थानमा मध्यम वर्षा भइरहेको छ ।
आज दिउँसो देशभर सामान्यदेखि पूर्ण बदली रहने, पहाडी तथा तराईका विभिन्न स्थानमा चट्याङ्गसहित वर्षा हुने तथा केही क्षेत्रमा हावाहुरी चल्ने सम्भावना रहेको छ ।
राति पनि सुदूरपश्चिम, कर्णाली, गण्डकी लगायत हिमाली तथा पहाडी क्षेत्रमा हल्का वर्षाको सम्भावना रहेको महाशाखाले जनाएको छ ।
