जनकपुर, १४ जेष्ठ । तत्मा बौधिक समाज नेपालले आगामी जेष्ठ २३ र २४ गते आयोजना गर्न लागेको तत्मा सम्मेलनको तयारीलाई तीव्र बनाएको छ ।
सम्मेलनलाई व्यवस्थित, प्रभावकारी तथा सफल बनाउन समाजले विभिन्न उप–समितिहरु गठन गरेको जनाएको छ । आज बसेको तयारी बैठकले सम्मेलन सञ्चालनका लागि सदस्य व्यवस्थापन, भण्डारण, अतिथि सत्कार, भोजन व्यवस्था, निर्वाचन, प्रचार–प्रसार, स्वास्थ्य शिविर लगायतका जिम्मेवारी बाँडफाँट गर्दै उप–समितिहरु गठन गरेको हो ।
समाजका अध्यक्ष ई.राम बाबु दासका सम्मेलनमा देशभरबाट तत्मा समुदायका अगुवा, बुद्धिजीवी, युवा तथा सामाजिक अभियन्ताहरूको सहभागिता रहने अपेक्षा गरिएको छ ।
सम्मेलनमार्फत समुदायको शैक्षिक, सामाजिक, राजनीतिक तथा आर्थिक अवस्थाबारे छलफल गर्दै आगामी रणनीति तय गरिने जनाइएको छ ।
बैठकले सदस्य व्यवस्थापन उप–समितिको संयोजकमा राम नन्दन दासलाई चयन गरेको छ भने अजित कुमार दास र राजेश कुमार दास सदस्य रहेका छन् ।
त्यसैगरी भण्डारण व्यवस्थापन उप–समितिको संयोजकमा रामवृक्ष दास चयन भएका छन् । उक्त समितिमा सरोज दास र निर्गुण्न कुमार दास सदस्य रहेका छन् ।
अतिथि सत्कार तथा भोजन व्यवस्थापन उप–समितिको संयोजकको जिम्मेवारी विनोद दासलाई दिइएको छ । समितिका सदस्यहरूमा दीप नारायण दास, उपेन्द्र दास -शशि), दिलिप कुमार लाल दास तथा संजीव दास -पुरुस) रहेका छन् । निर्वाचन उप–समितिको संयोजकमा सुकुन दास चयन भएका छन् भने मूल तयारी उप–समितिको संयोजक राम बाबु दास रहेका छन् ।
उक्त समितिमा विनोद दास र रमजी दास सदस्यको रूपमा रहेका छन् । त्यसैगरी प्रचार–प्रसार उप–समितिको संयोजकमा कुलदिप दास चयन भएका छन् भने श्याम सुन्दर दास सदस्य रहेका छन् ।
स्वास्थ्य शिविर उप–समितिको संयोजक लाल बाबु दास तथा सदस्यमा रोशन कुमार दास चयन गरिएको बैठकले जनाएको छ । समाजले सम्मेलनलाई ऐतिहासिक र उपलब्धिमूलक बनाउन सबै समुदायका व्यक्तिहरूलाई सक्रिय सहभागिताका लागि आग्रह समेत गरेको छ ।
