जनकपुर, १४ जेठ । मधेश प्रदेश सरकारले आर्थिक वर्ष २०८३÷८४ का लागि नीति तथा कार्यक्रम शुक्रबार सार्वजनिक गर्ने भएका छन् ।
प्रदेशसभा बैठकमा प्रदेश प्रमुख डा. सुरेन्द्र लाभ कर्णले सरकारको वार्षिक नीति तथा कार्यक्रम पेश गर्ने कार्यतालिका तय भएको छ ।
सरकारले आगामी वर्षको विकास योजना, आर्थिक नीति, पूर्वाधार विस्तार र विभिन्न क्षेत्रगत कार्यक्रमलाई प्राथमिकतामा राखेर नीति तथा कार्यक्रम ल्याउन लागेको जनाए ।
जनमत पार्टीले सरकारलाई दिएको समर्थन फिर्ता लिएपछि राजनीतिक रूपमा दबाबमा रहेको मधेश सरकारले मन्त्रिपरिषद् विस्तारपछि नयाँ रणनीति र कार्यदिशा अघि सार्न लागेको हो ।
