काठमाडौँ, ३ जेष्ठ । कंगोको पूर्वी इटुरी प्रान्तमा फैलिएको इबोला भाइरसका कारण हालसम्म ८० जनाको मृत्यु भएको छ भने २४६ जना शंकास्पद बिरामीको निगरानीमा रहेका छन् ।
विश्व स्वास्थ्य संगठन -डब्ल्यूएचओ) ले घटनालाई विश्वव्यापी स्वास्थ्य आपत्कालका रूपमा घोषणा गरे पनि यसलाई महामारी भने मानेको छैन ।
कंगोका स्वास्थ्यमन्त्री समुएल–रोजर काम्बाका अनुसार अप्रिल २४ मा एक नर्सको मृत्युबाट संक्रमण सुरु भएको अनुमान गरिएको छ। हालसम्म इबोलाको बुन्डिबुग्यो स्ट्रेनÚका आठ घटना पुष्टि भएका छन् ।
यो संक्रमण इटुरी प्रान्तका बुनिया, र्वाम्पारा र मोङवालु क्षेत्रमा फैलिएको छ । विज्ञहरूले यसपटक देखिएको स्ट्रेन पुराना खोप र उपचारभन्दा फरक भएकाले चुनौती थपिएको बताएका छन् ।
