काठमाडौँ, ३ जेष्ठ । नेकपा एमालेले तत्कालीन महासचिव मदनकुमार भण्डारी र संगठन विभाग प्रमुख जीवराज आश्रितको ३३ औँ स्मृति दिवस आज देशभर विभिन्न कार्यक्रम गरी मनाउँदैछ ।
बल्खुस्थित मदननगरमा स्मृतिसभा तथा गोठाटारमा विचार गोष्ठी आयोजना गरिएको छ । साथै विभिन्न स्थानमा वृक्षारोपण, रक्तदान, स्वास्थ्य शिविर, फलफूल वितरणलगायत कार्यक्रम सञ्चालन गरिँदैछ ।
भण्डारी र आश्रितको २०५० साल जेठ ३ गते चितवनको दासढुङ्गामा भएको सवारी दुर्घटनामा निधन भएको थियो । एमालेले भण्डारीलाई जनताको बहुदलीय जनवादका प्रमुख सिद्धान्तकारका रूपमा स्मरण गर्दै आएको छ ।
